თბილისი (GBC)-  ლარიზაციისგან არაფერი გამოვა, „ლიბერთი ბანკის“ დირექტორთა საბჭოს წევრი არმენ მატევოსიანი  ლარიზაციის კამპანიისთვის არსებულ გარემოს არასათანადოდ მიიჩნევს.

მსგავსი კამპანია შედეგიანია, როცა ქვეყანაში ინვესტიციები შემოდის. 

" თუ დეპოზიტარს ეცოდინება, რომ მისი 100 ლარიანი ანაბარი 2 წლის შემდეგ ღირებულებას არ დაკარგავს, მხოლოდ ამ შემთხვევაში ექნება ადამიანებს მოტივაცია ლარში დაზოგონ ფული“, - ამბობს ბანკირი.

მისი თქმით, ლარიზაციის ხელშეწყობისთვის და ეკონომიკის წახალისებისთვის რეფინანსირების განაკვეთის შემცირება ეფექტურია, მეტი ფული გაჩნდება ბაზარზე, თუმცა ეს აჩენს მეორე საფრთხეს - ფულის ინექცია იწვევს მოთხოვნის ზრდას, ეს კი, იმპორტზე დამოკიდებული ქვეყნისთვის სავალუტო წნეხს წარმოქმნის.