თბილისი (GBC) - ეროვნულ-დემოკრატიული ინსტიტუტმა  (NDI)- ახალი  კვლევის  შედეგები გაასაჯაროვა.

კვლევის ეს ნაწილი ქვეყნის საგარეო კურსს, ეკონომიკასა და მასმედიას ეხება. 

ახორციელებს თუ არა ხელისუფლება მნიშვნელოვან ცვლილებებს- ამ კითხვაზე NDI-ს მიერ გამოკითხული რესპონდენტების დაახლოებით 40% მიიჩნევს, რომ მთავრობა აღნიშნულ ცვლილებებს ახორციელებს. კითხვაზე უარყოფითი პასუხი აქვს  50%-ს.  

ამავე გამოკითხვის თანახმად დგინდება, რომ მოსახლების 80% ყოველთვიური შემოსავალი საშუალოდ 300 აშშ დოლარზე ნაკლებია.

ქვეყნისთვის ყველაზე მნიშვნელოვანი საკითხებად კი,  სამუშაო ადგილები, სიღარიბე, ტერიტორიული მთლიანობა, ფასების ზრდა და პენსიები რჩება. 

რაც შეეხება დედაქალაქს, აქ მთავარი  მნიშვნელოვანი სამუშაო ადგილები, გარემოს დაბინძურება და გზებია.

ამასთან,  გამოკითხულთა მხოლოდ 17%-ის ცხოვრება გაუმჯობესადა 2012 წლის არჩევნების შემდეგ,  51% - იგივე მდგომარეობაშია, 32% - უარესადაა და 1% კი პასუხობს, რომ არ იცის.

აღსანიშნავია, რომ კვლევის საველე სამუშაოები 8 ივნისი-6 ივლისის პერიოდში ჩატარდა, საქართველოს მასშტაბით, 4 113 პირისპირ ინტერვიუს წარმომადგელობითი შერჩევის საფუძველზე.

NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) და ატარებს CRRC–საქართველო.