თბილისი (GBC) - საქართველო დიდხანს ესიზმრება მათ, ვისაც ჰქონდა ბედნიერება იქ მოხვედრისა, - წერს რუსული Forbes-ი და აღნიშნავს, რომ დღეისათვის ეს ქვეყანა თანამედროვე მსოფლიო კულტურის ერთ-ერთი ცენტრი ხდება, რაც ორგანულად არის ჩაქსოვლი ათასწლოვან ტრადიციებთან. 

გამოცემა იმ 5 ღონისძიებას ასახელებს, რის გამოც უნდა ესტუმროს უცხოელი საქართველოს. 

პირველი Tbilisi Open Air 2016 -ია, რომელიც ლისის ტბაზე 29-31 ივლისს გაიმართება. უკვე ტრადიციული მუსიკალური ფესტივალი წელსაც არაერთ ცნობილ მუსიკალურ ჯგუფს უმასპინძლებს.

ხუთეულშია Black Sea Arena-ზე დაგეგმილი კრისტინა აგილერას კონცერტი,  რითაც 30 ივლისს ახალი საკონცერტო დარბაზი ოფიციალურად გაიხსნება.   Forbes-ი ამავე სივრცეში დაგეგმილ ვანესა მეისა და Scorpions-ის კონცერტებზეც აღნიშნავს. 

კიდევ ერთი მიზეზი GEM Fest -ია - რომელსაც 10-14 აგვისტოს ანაკლია უმასპინძლებს. 

რეკომენდებულია ბათუმის ქუჩის თეატრების ფესტივალიც (5-14 აგვისტო). 

და ბოლოს რთველი - ყურძნის კრეფის დღესასწაული, რომელიც სექტემბრიდან ნოემბრამდე გრძელდება. Forbes-ი ყურძნის კრეფისა და მისი დაწურვის  ტრადიციაზე წერს, განსაკუთრებულ ყურადღებას კი, რთველის შემდეგ მრავალფეროვან სუფრას უთმობს.