თბილისი (GBC) -  თურქეთის შინაგან საქმეთა მინისტრი ფიკრი იშიკი ქვეყნის ტერიტორიაზე კონტროლის აღდგენაზე აცხადებს, თუმცა ამბობს, რომ ჯერ კიდევ ადრეა საუბარი საფრთხის სრულად მოხსნაზე.  

Reuters-ის ცნობით, მან კვლავ მოუწოდა მთავრობის მომხრეებს ქუჩებში გამოვიდნენ და ხელისუფლება დაიცვან.

ქვეყნის პრეზიდენტმა   აშშ-ს ფეთჰულაჰ გიულენის ქვეყნიდან დეპორტირება, ან მისი ანკარისთვის გადაცემა სთხოვა.

უცხოური მედიის ცნობით,  რეჯეპ ტაიპ ერდოღანმა ამის შესახებ განცხადება ცოტა ხნის წინ სტამბოლში გააკეთა.

მკვლევარი ფეთჰულაჰ გიულენი ამჟამად აშშ-ში ცხოვრობს. გადატრიელების დაწყებიდან პირველივე წუთებში სწორედ ის დასახელდა ამბოხებულების  უკან.

BBC-ის ცნობით, ის თურქეთში რეჯეპ ტაიპ ერდოღანის შემდეგ ყველაზე დიდი გავლენით სარგებლობს, განმარტოებულ ცხოვრებას ეწევა და  აშშ-შია დევნილი.

თავად ფეთჰულაჰ გიულენმა სამხედრო გადატრიალებასთან კავშირი უარყო, უფრო მეტიც ეს მცდელობა დაგმო.  მან ეჭვი გამოთქვა, რომ შესაძლოა გადატრიალება დადგმული იყო.