თბილისი  (GBC) – Caucasus Online -თან  გაფორმებული ხელშეკრულების საფუძველზე კომპანია კორპორაციული და საცალო მომსახურების გასაწევად საჭირო ყველა აქტივს „მაგთიკომს“ გადასცემს. 

ოპერატორი მომხმარებელს აცნობებს, რომ პროცესის დასრულებას აგვისტოში გეგმავენ, რის შემდეგაც  Caucasus Online -ის  ნაცვლად  „მაგთიკომი“ მოემსახურება.

საკაბელო ინტერნეტის, ინტერნეტ-ტელევიზიის, ფიქსირებული ტელეფონიის და ჰოსთინგის მომსახურების მიმწოდებლის აღნიშნული ცვლილების ზუსტ თარიღს  კომპანია დამატებით აცნობებს.  აღნიშნული თარიღიდან Caucasus Online -ს  „მაგთიკომი“ ჩაანაცვლებს, იკისრებს ყველა იმ ვალდებულებას და გამოიყენებს ყველა იმ უფლებას, რაც გათვალისწინებულია  მომხმარებელსა  და Caucasus Online -ს   შორის მოქმედ ხელშეკრულებაში. 

აქტივების გადაცემის პროცესი და მომსახურების მიმწოდებლის ცვლილება არ შეაფერხებს  მომსახურების მიწოდებას.

მომსახურების მიმწოდებლის ცვლილების თარიღიდან:

"მაგთიკომი" უზრუნველყოფს  მომსახურების შეუფერხებელ მიწოდებას;

მომსახურებას მომხმარებელი მიიღებს მაგთიკომის ოფისებში (თბილისის ნებისმიერ ოფისში და რიგ რეგიონალურ ოფისებში);

გადახდის მეთოდები რჩება უცვლელი;

ცხელი ხაზის ნომერი რჩება უცვლელი.