თბილისი (GBC) -  TSIKOLIA Watches-ის  მოდელი, ახალი P-47 ბაზარზე 1 თვეში გამოვა.

ცნობილი ქართველი დიზაინერის, ზვიად ციკოლიას მიერ შექმნილი საათების შეძენას მომხმარებელი  “ართთაიმის“ ქსელში, ასევე TSIKOLIA Watches-ის ოფიციალური ვებ-გვერდიდან შეძლებს.

მოდელის ფასი ჯერ არ კონკრეტდება. 

საათი ინსპირირებული ალექსანდრე ქართველიშვილის ლეგენდარული გამანადგურებლის პ-47 მოდელიდან და დიამეტრში ბუდეც 47მმ.

11 ფერთა კომბინაცია იქნება წარმოდგენილი. საათის მახასიათებლებია: უჟანგავი ფოლადის 47მმ ბუდე, საფირონის შუშა დაფარული ანტი-ამრეკლით, ლუმინისცირებული ისრები და დაფა, 5 ატმოსფერო წყალგაუმტარობა, ტყავისა და დამატებითი ნეილონის სამაჯური, ლიმიტირებული ტირაჟი, სერიული ნომრით. 

საერთაშორისო გარანტის ვადა 2 წელია.

„ინდივიდუალიზმითა და წარმატების მიღწევის სურვილით შთაგონებული“, - ასე აფასებენ ციკოლიას ნამუშევრებს, რომლის თითოეული მოდელი უნიკალურია.

შეზღუდული რაოდენობის პროდუქცია შვეიცარიაში მზადდება, გამოირჩევა განსაკუთრებული შეფუთვით და  დიზაინით, რომელიც სხვადასხვა თემას მოიცავს. მათ შორის: სამხედროს, საავიაციოს, მანქანების თემატიკას და სხვა მრავალ ინსპირაციას.

აღსანიშნავია, რომ ზვიად ციკოლიამ  საათების გამოშვება 2011 წელს დაიწყო, UNIQ-ის ბრენდით, 2015 წლიდან კი, საათებზე უკვე მისი გვარიც გაჩნდა. 

ქართველი დიზაინერი მსოფლიოს ყველაზე პრესტიჟული დიზაინის დაჯილდოვების - Red Dot Design - ის ორგზის გამარჯვებულია.