თბილისი (GBC) – 24-27 ივნისს აჭარის რეგიონში, ბუნებრივი გაზის ყველა მომხმარებელს გაზის მიწოდება შეუწყდება.

„სოკარ ჯორჯია გაზის“ ცნობით, მიზეზი  ქობულეთის შემოვლითი  საავტომობილო მაგისტრალის მშენებლობაა, რომლის ფარგლებში, ცენტრალურ მაგისტრალურ გაზსადენზე გადაერთების სამუშაოები ერთდროულად 4 პუნქტზე ჩატარდება.

ბუნებრივი გაზის მიწოდება სამუშაოების დასრულების შემდეგ ეტაპობრივად დაიწყება და სრულად მიმდინარე წლის 29 ივნისს აღდგება.

კომპანია “სოკარ ჯორჯია გაზი” მოუწოდებს აბონენტებს გამოიჩინონ განსაკუთრებული სიფრთხილე - უყურადღებოდ არ დატოვონ გაზის დანადგარები და ჩაკეტილ მდგომარეობაში იქონიონ ბინებში არსებული გაზის ონკანები.

დამატებითი ინფორმაციის მიღება შესაძლებელია ,,სოკარ ჯორჯია გაზის“ ცხელ ხაზზე 16 114 ან აჭარის რეგიონალურ ოფისში, შემდეგ მისამართზე: ბათუმი, ბაქოს ქ # 46.