თბილისი (GBC) - ევროპულმა სკოლამ CIS-ის საერთაშორისო სკოლების საბჭოს წევრის სტატუსი მოიპოვა.  

აღნიშნულის შესახებ სკოლას, მილოცვის წერილით, CIS-ის სკოლების მხარდაჭერისა შეფასების დეპარტამენტის დირექტორმა, დოქტორმა გრამარ რანგერმა ამცნო, სადაც აღნიშნულია, რომ „ევროპულმა სკოლამ“ წარმატებით გაიარა შესარჩევი ეტაპები.

CIS - საერთაშორისო სკოლების საბჭოა, რომელიც უზრუნველყოფს უმაღლესი ხარისხის საერთაშორისო განათლებასა და მოსწავლეთა გლობალურ მოქალაქეებად ჩამოყალიბებას.

დღეისათვის CIS აერთიანებს 110 ქვეყნის 660-ზე მეტ  სკოლას და  475 კოლეჯსა და უნივერსიტეტს. ამ ორგანიზაციის წევრებს აქვთ რიგი უპირატესობები: მათ აქვთ რესურსები, რომლებიც მოსწავლეებსა და სკოლას აძლევს შესაძლებლობას,  დაუკავშირდნენ CIS-ის უმაღლესი განათლების წევრებს, მათ  შეუძლიათ ისარგებლონ CIS-ის კონსულტანტთა ქსელით და მრავალი სხვა.

CIS-ის წევრობის მისაღებად „ევროპულმა სკოლამ“  1-ლი და მე-2 ეტაპი  2015 წელს გაიარა.

მესამე ეტაპი კი,  2016 წლის 1-3 მარტს ჩატარდა, რომლის ფარგლებში სკოლას ეწვია CIS-ის საბჭოს წევრი, კანადელი პროფესორი ალან სკოტი, რომელსაც საერთაშორისო სკოლების ხელმძღვანელობის ორმოცწლიანი გამოცდილება აქვს.