თბილისი (GBC) - “სოკარ ჯორჯია გაზი” აჭარის მოსახლეობას გაზმომარაგების შეწყვეტაზე აფრთხილებს. 

მიზეზი აჭარის რეგიონში, ქობულეთი-ბათუმის ახალი საავტომობილო მაგისტრალის მშენებლობის პროცესში, ცენტრალურ მაგისტრალურ გაზსადენზე გადაერთების სამუშაოებია, რომელიც ერთდროულად 6 პუნქტზე ჩატარდება.

აღნიშნულიდან გამომდინარე ამა წლის 29 მარტიდან 31 მარტამდე აჭარის რეგიონში ბუნებრივი გაზის ყველა მომხმარებელს შეუწყდება გაზის მიწოდება.

ბუნებრივი გაზის მიწოდება, სამუშაოების დასრულების შემდეგ, ეტაპობრივად განხორციელდება და დასრულდება ამა წლის 3 აპრილს.

კომპანია “სოკარ ჯორჯია გაზი” მოუწოდებს აბონენტებს განსაკუთრებული ყურადღება გამოიჩინონ, უყურადღებოდ არ დატოვონ გაზის დანადგარები და ჩაკეტილ მდგომარეობაში იქონიონ ბინებში არსებული გაზის ონკანები.

დამატებითი ინფორმაციის მიღება შესაძლებელია ,,სოკარ ჯორჯია გაზის“ ცხელ ხაზზე 16 114 ან აჭარის რეგიონალურ ოფისში მისამართზე: ბათუმი ბაქოს ქ # 46.