თბილისი (GBC) - სოკარი  სართიჭალის გაზის მომხმარებელს გაზის შეწყვეტაზე აფრთხილებს.

„სართიჭალის გაზს”  „სოკარ ჯორჯია გაზ დისტრიბუშენის” მიმართ, 2016 წლის 1  მარტის მდგომარეობით  დიდი ოდენობის დავალიანება დაუგროვდა. ვალი,  ყიდვა-გაყიდვის ხელშეკრულებების ანგარიშსწორების პირობების პერმანენტულმა დარღვევამ დააგროვა.

ამ დროისთვის,  “სართიჭალის გაზისგან” კუთვნილი დავალიანების ამოღების შეუძლებლობა კრიტიკულ მდგომარეობაში აყენებს, არა მხოლოდ  „სოკარ ჯორჯია გაზ დისტრიბუშენს”, არამედ განაწილების არეალში მცხოვრები ბუნებრივი გაზის მომხმარებლების სტაბილურ  და უსაფრთხო გაზმომარაგებასაც.

არაერთგზის მცდელობის და გაფრთხილების მიუხედავად, „სართიჭალის გაზს”  დავალიანების დასაფარად არანაირი ზომები არ მიუღია.  ამიტომ მომარაგება 14 მარტიდან შუეწყდება (ენერგეტიკის მინისტრის 2006 წლის 29 დეკემბრის N114 ბრძანებით დამტკიცებული  „ბუნებრივი გაზის ბაზრის წესების”  თანახმად).

„მივმართავთ მომხმარებელს გაითვალისწინოს ბუნებრივი გაზის მიწოდების შეწყვეტის აღნიშნული გარემოება“.