თბილისი (GBC) - Credit Suisse-ი, რომელიც ცდილობს სასწრაფოდ „გადაწყოს“ კორპორაციული საბანკო ბიზნესი, იძულებულია გაბრაზებულ მილიარდერთან სასამართლოში იბრძოლოს, - წერს The Wall Street Journal-ი.

შვეიცარიულ ბანკს საქართველოს ექს-პრემიერმა და 5 მილიარდის ქონების მფლობელმა, ბიძინა ივანიშვილმა მისი თანხის არასწორად მართვისთვის სასამართლოში უჩივლა.

სტატიაში ნათქვამია, რომ ჟენევის პროკურატურაში დეკემბერსა და იანვარში რამდენიმე სარჩელი შევიდა, სადაც თაღლითობაზე და Credit Suisse-ის ცუდ მენეჯმენტზეა საუბარი.

ივანიშვილს დიდი ზარალი პირადი ბანკირის გამო მიადგა, რაზეც უკვე იუწყებოდა შვეიცარიული პრესა.Le Temps-ის ცნობით, ქართველი მილიარდერის ზარალი 100 მლნ ფრანკი იყო.

Wall Street Journal-ის ცნობით, ბანკის ყოფილი მენეჯერი პატრის ლესკოდრონი, რომელიც თაღლითობაშია ბრალდებული, ამ დროისათვის დაკავებულია.

მისი ადვოკადი საიმონ ნტა ამბობს, რომ პრობლემები ბანკირს  ჯერ კიდევ 2007 წელს დაეწყო, როდესაც საკუთარ კლიენტებს ერთ-ერთი ავსტრიული ჰოლდინიგის აქციები შესთავაზა, რომლების ძალიან მალე გაუფასურდა. მაშინ პანიკაში ჩავარდნილმა ლესკოდრონმა ივანიშვილის ანგარიშიდან ფული აიღო, რათა სხვა კლიენტების ზარალი დაეფარა.