თბილისი (GBC) – „ვენდი“ იმპორტირებულ ქათმის ხორცს ქართულით ანაცვლებს.

სიახლეს  „ვისოლ ჯგუფი“ „მეტი ქართული პროდუქტის“ ინიციატივის ფარგლებში ახორციელებს. კერძოდ, ქათმის ხორცის იმპორტს კომპანია „მარშესთან“ და „ბიუ ბიუსთან“ ერთად ჩაანაცვლებს.

კომპანია აცხადებს, რომ იმპორტის ჩანაცვლება 2015 წლის დეკემბრიდან დაიწყეს. დღეისათვის „სმარტთან“, „მარშესთან“, „პურის სამყაროსთან“, „მილკოსა“ და „ბადაგთან“ თანამშრომლობით კერძებს ქართული  პროდუქტით ამზადებენ. 

შეგახსენებთ, „ვენდის“ ამერიკული რესტორნების ქსელის განვითარება „ვისოლ ჯგუფმა“ 2013 წელს დაიწყო. ამ დროისათვის ქსელში 9 რესტორანია.