თბილისი (GBC) – „სოკარ ჯორჯია გაზი" ქუთაისში აბონენტებს გაზმომარაგების შეწყვეტაზე აფრთხილებს.

„მიმდინარე წლის 18 თებერვლის დილის 10:00 საათიდან 22 თებერვლის საღამოს 18:00 საათამდე ქ. ქუთაისის ნიკეას I შესახვევის გადაკვეთიდან ბოლომდე, ნიკეას ქუჩის კენტ ნომრებს; ნიკეას ქუჩის ლუწ ნომრებს მთლიანად; ნიკეას II შესახვევს; ნიკეას : I, II, III, V, VII, IX ჩიხებს; ჭავჭავაძის გამზირის NN : VII, VIIბ, VIIვ, IX, IXა, IXბ, IXვ, XI, XIII, XV, XVII; ლომოურის ქუჩებს გაზმომარაგება შეუწყდება“, - აცხადებს კომპანიის მენეჯმენტი.

აბონენტებისთვის გაზმომარაგების შეწყვეტის მიზეზი, გაზსადენზე მიმდინარე სარემონტო-საექსპლუატაციო სამუშაოები გახდა.

აბონენტებს ბუნებრივი გაზის მიწოდება 22 თებერვლის 18:00  საათიდან, სამუშაოების დასრულებისთანავე, ეტაპობრივად აღუდგებათ.

„კომპანია „სოკარ ჯორჯია გაზი" ბოდიშს გიხდით დისკომფორტისთვის და აბონენტებს მოუწოდებს, დაკეტილ მდგომარეობაში იქონიონ ბინებში არსებული გაზის ონკანები და უყურადღებოდ არ დატოვონ გაზის დანადგარები“, - აცხადებს კომპანია.

დამატებითი ინფორმაციისთვის დარეკეთ „სოკარ ჯორჯია გაზის" ცხელ  ხაზზე: 16 114 ან ეწვიეთ ვებ-პორტალს www.mygas.ge.