თბილისი (GBC) - „2009 წლის პროცესებზე  პასუხი  გამკაცრებული ადმინისტრირებით,  იყო რეალობა და ერთ-ერთი შეცდომა,  იმ პერიოდში  ბევრი მცირე და საშუალო ბიზნესმენი დაზარალდა“, - ახლანდელი და წინა ხელისუფლების  გადაცდომებზე  რუსთავი 2-ის ეთერში  ჟურნალისტებს სებ-ის პრეზიდენტი  პასუხობს.   საზოგადოებასაც   პარლამენტის ნაცვლად  სატელევიზიო ტრიბუნიდან მიმართავს.

გიორგი ქადაგიძე   მთავრობას  ურჩევს მცირე და საშუალო ბიზნესს მოუსმინოს, რომლის დეფიციტი იყოს 2012 წლამდეც და რაც ქვეყნის შიგნით ყველაზე მთავარი გამოწვევაა .

გარე შოკებზე კი   მისი შეფასებით,  მთავრობის მხრიდან პრევენციის ღონისძიებები ფაქტობრივად არ გატარებულა, მეტიც რამდენიმე ნაბიჯმა, მათ შორის  მიწებზე მორატორიუმმა დაამძიმა კიდეც.

ამასთან ქადაგიძესთვის ქვეყნის  არსებული სასტარტო პოზიცია განვითარებისთვის მისაღებია.

წინ  გადადგმული ნაბიჯი იყო  2012 წელს  ხელისუფლების არჩევნებით შეცვლაც.  ახლა მთავარია  ახალ ეტაპზე გადავიდეთ, რაც  ეკონომიკის ზრდას, შესაბამისად, უმუშევრობის და მოქალაქეების სოციალური  მდგომარეობის  გაუმჯობესებას გულისხმობს.