თბილისი (GBC) – “ჩვენი ინვესტორებისთვის გაგვიჭირდება ახსნა, რატომ  არის ბანკები ამოვარდნილი ერთიანი რეჟიმიდან“, - თიბისი ბანკის გენერალური დირექტორი "ესტონური მოდელზე", სექტორის ერთიან პოზიციას, მომავალ კვირას გააჟღერებს.

ვახტანგ ბუცხრიკიძის  ინფორმაციით, ამ დროისთვის ბანკები  პოზიციებს აჯერებენ, პირველი შეხვედრა, ასოციაციაში, ხუთშაბათს  გაიმართა.

მისთვის მარტივი, არითმეტიკული მიდგომა, ბიუჯეტში ბანკების  გადახდილი მოგების დაჯამებით, მიუღებელია, როცა საპირწონე ინვესტორების ინტერესებია.

ვახტანგ ბუცხრიკიძის განცხადებით, სექტორს სრული ლეგიტიმური უფლება აქვს, სხვა ბიზნესკომპანებთან ერთად დაბეგვრის შეცვლილ რეჟიმში მოექცეს.

„ჩვენი სტრატეგიაა მოგების 25% გავცეთ დივიდენდად და  ამ ფორმულას  მაინც არ შეცვლით, ნუსხაში მოვხვდებით თუ არა“,  - აღნიშნა ვახტანგ ბუცხრიკიძემ.

შეგახსენებთ, მოგების გადასახადის რეფორმა გადამხდელთა ნაწილს არ შეეხება.

ფინანსთა მინისტრის ცნობით, ბანკებს, სადაზღვევო და მიკროსაფინანსო ორგანიზაციებს, მეწარმე ფიზიკური პირებს და იმ კომპანიებს, რომლებსაც მოგების განაწილება ეკრძალებათ, მოგების გადასახადის არსებული რეჟიმი შეუნარჩუნდებათ და კვლავ 15%-ით დაიბეგრებიან.