თბილისი (GBC) - Bank of America — Merill Lynch –ის ანალიტიკოსების პროგნოზით, ნავთობის ფასების ვარდნით, სექტორის დანაკარგმა შესაძლოა 3 ტრილიონი აშშ დოლარი შეადგინოს, - წერს Bloomberg-ი.

ექსპერტების აზრით, ნავთობზე სტაბილურად დაბალი ფასები ნავთობის მწარმოებლებიდან მთელი მსოფლიოს მომხმარებლებზე 3 ტრილიონი აშშ დოლარის გადადინებას განაპირობებს და  ეს იქნება სიმდიდრის ერთ-ერთი უმსხვილესი გადაადგილება მსოფლიო ისტორიაში.

ისინი ამბობენ, რომ უკვე არსებობს მტკიცებულებები ნავთობის გაიაფების პოზოტიური გავლენისა მოთხოვნაზე და თუ ფასები არ გაიზრდება, პოზიტიური ეფექტი იქნება უფრო ძლიერი.

„ნავთობის დაბალი ფასების სცენარის შემთხვევაში, თუ ფასები საშუალოდ 40 აშშ დოლარი იქნება მომდევნო 5 წლის განმავლობაში, მოხმარება გაიზრდება 1,5  მლნ ბარელით დღე/ღამეში, რაც 0,3 მლნ მეტია ჩვენს საბაზო სცენარზე. 20 აშშ დოლარის შემთხვევაში მოხმარება გაიზრდება 1,7 მლნ ბარელით დღე/ღამეში“, - ნათქვამია ანგარიშში.