თბილისი (GBC) - სასკოლო ოლიმპიადების ორგანიზატორი Veritas Olympics-ი, პირველად საქართველოში, „ჰარვარდის“ სტუდენტურ ორგანიზაციასთან ერთად ატარებს სასკოლო ოლიმპიადას ინგლისურ ენაში, ქართულ ენაში და მათემატიკაში, III-დან XII კლასის ჩათვლით.

Veritas Olympics თანამშრომლობს „ჰარვარდის“ მეწარმეთა ორგანიზაციასთან (Harvard College Entrepreneurship Forum), რომელიც ერთ-ერთი ყველაზე დიდი ორგანიზაციაა „ჰარვარდში“. მას აქვს 10 წლიანი ისტორია და ჰყავს ასობით წევრი „ჰარვარდის“ უნივერსიტეტიდან. კლუბმა დიდი წვლილი შეიტანა მრავალი ახალგაზრდა ლიდერის აღმოჩენაში და მათ განვითარებაში.

Veritas Olympics -ი აცხადებს, რომ მოსწავლეებს სთავაზობს უნიკალურ შესაძლებლობას, მიიღონ მონაწილეობა ოლიმპიადაში. გამოცდილი გუნდი, უცხოელ პარტნიორებთან ერთად, მაღალი ხარისხის ოლიმპიადას ჩაატარებს და მოსწავლეები შეიძენენ გამოცდილებას, მონაწილეობას მიიღებენ პრესტიჟულ, საერთაშორისო დონის ოლიმპიადაში.

გამარჯვებულები დაჯილდოვდებიან სხვადასხვა პრიზებით და ინგლისურენოვანი სერთიფიკატებით.

დამატებითი ინფორმაციისთვის ეწვიეთ ბმულს: veritas.ge