თბილისი (GBC) – „საქართველოს ჯანდაცვის ჯგუფის“ კაპიტალი 30 მილიონით გაიზრდა.

შესაბამისად, კომპანიის გაცხადებული კაპიტალის მოცულობა 130 მილიონით განისაზღვრა, რომელიც 1 ლარის ღირებულების 130 მილიონ აქციად  არის დაყოფილი.

ამასთან, გაცხადებული კაპიტალის ფარგლებში მოხდა ახალი 6,24 მილიონამდე აქციის ემისია, რომელიც სრულად კომპანიის აქციონერმა Georgia Healthcare Group-მა შეიძინა.  

თითო აქციის განთავსების ღირებულება 8.83 ლარით განისაზღვრა, საიდანაც 1 ლარით შეივსება კომპანიის განაღდებული კაპიტალი, ხოლო დარჩენილი 7,83 ლარი საემისიო კაპიტალში აისახა.

კაპიტალის გაზრდა კომპანიის მიერ განხორციელებული IPO-ს შედეგად მიღებული შემოსავლების მეორე ნაწილით მოხდა.

შეგახსენებთ, Georgia Healthcare Group-ის აქციების პირველადი საჯარო შეთავაზება (IPO) ლონდონის საფონდო ბირჟაზე ნოემბრის დასაწყისში განხორციელდა.