თბილისი (GBC)- სავალუტო ფონდის მისიის ხელმძღვანელი, მარკ გრიფიტსი იმედოვნებს, რომ ფონდის 2/3 მიმოხილვა 2016 წლის დასაწყისში დასრულდება.

საქართველოში ჩატარებული სამუშაოს და ქვეყნის ეკონომიკური მდგომარეობის შესახებ სსფ-ს მისიამ ოფიციალური განცხადება გაავრცელა, სადაც აღნიშნულია, რომ სავალუტო ფონდის მისიამ და საქართველოს ხელისუფლებამ მნიშვნელოვან პროგრესს მიაღწიეს ეკონომისტების დონეზე შეთანხმების მისაღწევად მეორე და მესამე მიმოხილვებისთვის.

სსფ-ს განცხადებით, მისია იმუშავებს ხელისუფლებასთან ერთად, რომ უახლოეს რამდენიმე კვირაში დაასრულდეს განზრახულობათა ხელშეკრულების გაფორმება.

მუშაობა გაგრძელდება საბანკო ზედამხედველობის დამოუკიდებლობის შენარჩუნების კუთხით სტრატეგიის შემუშავების, უცხოური რეზერვების სათანადო დონის  უზრუნველყოფის, მართვის სტრუქტურის გაუმჯობესების და სტრუქტურული რეფორმების კუთხით, რაც ხელს შეუწყობს ეკონომიკის ზრდას.

„თუ აღნიშნული საბოლოო დისკუსია იქნება წარმატებული, მეორე და მესამე მიმოხილვები შესაძლოა 2016 წლის დასაწყისში დასრულდეს, - აღნიშნულია განცხადებაში.

მისია მადლობას უხდის საქართველოს პრეზიდენტს, პრემიერ მინისტრს, მთავრობის სხვა წარმომადგენლებს და ეროვნულ ბანკს, ღია და კონსტრუქციული დისკუსიისთვის.

შეგახსენებთ, სავალუტო ფონდის მისია  საქართველოს 9-21 ნოემბერს სტუმრობდა.

ამ მიმოხილვების დასრულებაზეა დამოკიდებული სსფ-ს პროგრამიდან (100 მლნ SDR) დარჩენილი 20 მილიონის გამოყოფა.