თბილისი (GBC) - GHG-ის აქციების IPO ერთგვარი დემონსტრირება იყო იმისა, რომ საქართველოს ინვესტორები ენდობიან", - განუცხადა  BGH-ის გენერალურმა დირექტორმა ირაკლი გილაურმა „რუსთავის 2-ს".

ამასთან აღნიშნა, რომ ჯანდაცვის სექტორამდე ინვესტორები ქვეყანას აფასებენ და შესაბამისად, „პირველ რიგში დებენ ფულს საქართველოში, რომელმაც აჩვენა, რომ დევალვაციის კრიზისი  საკმაოდ კარგად დაძლია".

საინვესტიციო ბანკირები აცხადებენ, რომ საქართველოში ჯანდაცვის სისტემა განვითარების პროცესშია.  მაღალ შეფასებას აძლევენ ემიტენტის -  „საქართველოს ჯანდაცვის ჯგუფის" (GHG) და შუამავალი  საინვესტიციო ბანკის ( G&T) გაწეულ მუშაობას, მათ სექტორის შესახებ ამომწურავი ინფორმაციის მიწოდებით ინვესტორები დააინტერესეს.  

ლონდონის საფონდო ბირჟის პრემიუმ ლისტინგში „საქართველოს ჯანდაცვის ჯგუფის"  (GHG) აქციები მსოფლიოში ცნობილი  ჰოსპიტალური ბრენდების: NMC Health, Al Noor Hospitals, Spire Healthcare-ის გვერდით განთავსდა.

IPO-ს ფარგლებში „საქართველოს ჯანდაცვის ჯგუფმა" 100 მლნ აშშ დოლარი მოიზიდა.