აქციებზე ვაჭრობა 1,7 ფუნტით დაიწყო და თბილისის დროით, 12 საათისთვის 1,84 ფუნქტს გადააჭარბა.  

ლონდონის საფონდო ბირჟის პრემიუ ლისტინგში  Georgia Healthcare Group-ის (GHG) აქციები 9 ნოემბერს  განთავსდა და სავაჭრო სესიის დასრულებისთვის ზუსტად განისაზღვრება მოცულობა, მთლიანი აქციების 32-35%-ის ფარგლებში. 

მთლიანმა კაპიტალიზაციამ  $350 მილიონი შეადგინა, მოზიდულმა თანხამ $100 მლნ.

აქციების შესყიდვით ბრიტანელი და ამერიკელი ინსტიტუციონალური ინვესტორები არიან დაინტერესებულნი, მათ შორის, რამდენიმე საპენსიო ფონდია.

Georgia Healthcare Group-ი მესამე ქართული კომპანიაა, რომელიც ლონდინის ბირჟაზეა წარმოდგენილი.

2006 წლის ნოემბრიდან ლონდონის ბირჟაზე კოტირებულია "საქართველოს ბანკი", რომლის აქციები 2012 წლის თებერვლიდან პრემიუმ ლისტინგშია განთავსებული.

2014 წლის ივნისიდან ლონდონის ბირჟაზე ივაჭრება თიბისი ბანკის აქციებიც, მომავალი წლიდან თიბისის აქციებიც პრემიუმ ლისტინგში გადაინაცვლებს.