თბილისი (GBC) - ნავთობპროდუქტების რეალიზატორთა ნაწილმა საწვავი გააიაფა.

„ლუკოილმა" საცალო ქსელში ზოგიერთი პროდუქტის ფასი 5 თეთრით გააიაფა.

კომპანიის ინფორმაციით, ევრო სუპერის,  პრემიუმ ავანგარდის და ევრო რეგულარის ფასი ქსელში 5 თეთრით  გაიაფდა, ხოლო ევრო დიზელის ღირებულება უცვლელი დარჩა.

9 ნოემბრიდან  ცალკეულ პროდუქტებზე ფასების კორექტირება მოახდინა კომპანია „ვისოლმა".

უფრო კონკრეტულად კი „ვისოლმა" 5 თეთრით გააიაფა: ეკო სუპერის, ეკო პრემიუმის, ეკო რეგულარისა და ევრო რეგულარის ღირებულება.

რაც შეეხება კომპანია „გალფს", საიტზე განთავსებული ინფორმაციის მიხედვით, ბოლო კორექტირება 5 ნოემბერს მოხდა, როდესაც ევრო რეგულარის ტიპის საწვავის ფასი 4 თეთრით გაძვირდა.

ამ დროისათვის ნავთობპროდუქტების ფასი უცვლელია „სოკარ პეტროლიუმსა" და „რომპეტროლში".