საბჭოს სამდივნოს ცნობით, დეკემბერში გაეშვება საბჭოს ვებგვერდი და ყველა მასალა იქნება ხელმისაწვდომი.

ევრობანკის ბანკირების განცხადებით, დასკვნა, საბჭოს დამფუძნებელი ორგანიზაციების წონის და ანალიტიკოსების კვალიფიკაციის გათვალისწინებით, ყველაზე კომპეტენტური იქნება, თუმცა მთავრობისთვის მხოლოდ სარეკომენდაციო ხასიათის.

რეკომენდაციების იგნორირება მხოლოდ დონორების განწყობაზე იმოქმედებს და  ეს, აისახება თუ არა პორტფელზე, საბჭოში ცალსახად ვერ პასუხობენ.

საბჭოს ამბიციაა, იყოს ყველაზე  მოქნილი მაკოორდინებელი სათათბირო ბიზნესსა და მთავრობას შორის. ორივე მხარისთვის გასაგებ ენაზე  მოსაუბრე,  კამათის ფორმატში, ჩხუბის გარეშე.

საბჭო, პატარა გუნდით მუშაობს, 5-კაციანი  შემადგენლობით, რომელსაც მთლიანად  ევრობანკი (EBRD) აფინანსებს (მის. რუსთაველის გამზ. „მერანი"). ხელმძღვანელია  მარიამ მეღვინეთუხუცესი, რომელიც EBRD-ის ბანკირი იყო.  ახალ შეთავაზებამდე კი თიბისი ბანკის გენერალური დირექტორის მოადგილე (კორპორაციული საბანკო საქმე).

EBRD-სთან ერთად საბჭოს დამფუძნებლები არიან IFC-ი, ADB-ი - ქვეყნის ყველაზე მსხვილი დონორები.

ასევე ადგილობრივი  და საერთაშორისო ორგაზანიზაციები, მათ შორის BAG -ი (საქართველოს ბიზნეს ასოციაცია); ამერიკის სავაჭრო პალატა (AmCham);  EU Georgia Business Council (EUGBC); Georgia Chamber of Commerce and Industry (GCCI);  International Chamber of Commerce (ICC).