თბილისი (GBC) - ივლისში საქართველოში ნავთობისა და ნავთობპროდუქტების წარმოება 354%-ით გაიზარდა. თუ შარშან ივლისში წარმოებულმა პროდუქციამ 1.3 ათასი ტონა შეადგინა, წელს ეს მაჩვენებელი 5.9 ათასი ტონაა.

ამ პერიოდში ნავთობისა და ნავთობპროდუქტების იმპორტი 2.1%–ით (Y.Y) გაიზარდა და 135.2 ათასი ტონა შეადგინა. ექსპორტმა 12.3 ათასი ტონა შეადგინა, რაც 392%-ით მეტია წინა წლის იმავე პერიოდის მაჩვენებელზე (2021 ივლისი - 2.5 ათასი ტ).

მიუხედავად იმისა, რომ წარმოებისა და იმპორტის მაჩვენებელი გაიზარდა, შიდა მიწოდება შემცირებულია 1%-ით და შეადგენს 130.9 ათას ტონას (2021 ივლისი - 132.2 ათასი ტ).

საქსტატის ინფორმაციით, 2022 წლის ივლისში საქართველოში $14.6 მლნ-ის ნავთობი და ნავთობპროდუქტები გავიდა, ხოლო საქართველოში $141.8 მლნ-ს 118.5 ათასი ტონა შემოვიდა.