თბილისი (GBC) - სებ-ი ბანკების მსხვილი კლიენტურის შეზღუდავი ცვლილებების სამართლებრივ პროცედურას იწყებს. ინსტრუქცია, რომელიც მონათესავე კომპანიების მფლობელებსა და მათ ოჯახის წევრებზე ვრცელდება, წელს ამოქმედდბა. ახალი ვალდებულებები ₾ 0.5 მლნ მდე სესხის ამღებზე არ ვრცელდება.

დამატებით რეგულაციაში მოყოლილი მსესხებელი ურთიერთდაკავშირებულთა ჯგუფში გაერთიანდება. ყველაზე მარტივად დასაჯგუფებელია ცოლ-ქმარი და თუ ბანკს წყვილი იდენტიფიცირებული ჰყავს, სებ-ი აღნიშნულ პროცედურას აღარ მოთხოვს

მოწილეების ურთიერთდაკავშირების ნიშნით ჯგუფდება კომპანიებიც. ახალი ინდიკატორებით კლასიფიცერებულ მსესხებელზე გაცემული ჯამური პორტფელი, ბანკის პირველადი კაპიტალის 25%-ს არ უნდა აღემატებოდეს.

დაკავშირებულად ითვლება როგორც იურიდიული  ასევე ფიზიკური პირი. მაგ: ბანკის  საცალო მსესხებელი, რომელიც კორპორაციული კლიენტი კომპანიის 50%-იანი მოწილეა.  ასევე კომპანია, რომელიც სხვა კომპანიის თანამფლობელიცაა. ასეთი კავშირები საფინანსო ბაზარზე ბევრია: მაგ სალიზინგო & ბანკი, მისო & ბანკი, მისო & ლომბარდი....

ზედამხედველს მიაჩნია, რომ მსესხებლის  დაჯგუფება და ზედამხედველთან დამატებითი ანგარიშგება  სჭირდება რისკის მართვისთვის, რომელსაც ურთიერთდამოკიდებულება წარმოშობს.
კონტროლის მანიშნებელ  გარემოებად ითვლება ორ სხვადასხვა კომპანიის დირექტორატში ან სამეთვალყურეო საბჭოში ერთი და იგივე პირების არსებობა,   20%-ზე მეტი წილის ფლობა სხვა კომპანიაში. 

სებ-მა ინსტრუქციის პროექტი სექტორთან უკვე შეათანხმა. ბაზარს წინადადებების წარდგენის ვადა 22 სექტემბრამდე ჰქონდა.