თბილისი (GBC) - რუსეთში Toyota–ს ავტომობილების წარმოება შეწყდა, კომპანიამ სანქტ–პეტერბურგთან მდებარე ქარხნის დახურვის გადაწყვეტილება მიიღო, რომელიც ქვეყანაში 15 წლის განმავლობაში მუშაობდა. ამის შესახებ რუსული მედია წერს.

„საწარმო დაკონსერვდება და საბოლოოდ, სავარაუდოდ, გაიყიდება. მაგრამ ამ საწარმოში Toyota–ს მარკის ავტომობილების წარმოება აღარ მოხდება“, – ნათქვამია კომპანიის განცხადებაში, რომელსაც რუსული მედია ციტირებს.