თბილისი (GBC) – ყაზახეთში რიგგარეშე საპრეზიდენტო არჩევნები 20 ნოემბერს ჩატარდება. შესაბამის განკარგულებას ქვეყნის პრეზიდენტმა ყასიმ–ჟომარტ თოყაევმა ოთხშაბათს მოაწერა ხელი.

პრეზიდენტმა მთავრობას უბრძანა ყველა საჭირო ზომის მიღება რიგგარეშე არჩევნების საორგანიზაციო, მატერიალურ–ტექნიკური და ფინანსური უზრუნველყოფისთვის, ხოლო ასტანის, ალა–ათის, შიმკენტის და ოლქების აკიმებს მოქალაქეთა დაზუსტებული სიების შედგენა, რომელთაც ხმის უბლება აქვთ.

შეგახსენებთ, რომ ყაზახეთში საპრეზიდენტო არჩევნების საკითხებზე საკონსტიტუციო ცვლილებებს საკანონმდებლო ორგანომ 16 სექტემბერს დაუჭირა მხარი. ცვლილებების თანახმად, ქვეყნის პრეზიდენტი ერთხელ ირჩევა 7 წლის ვადით.