თბილისი (GBC) – აგვისტოში საქართველოში $34.3 მლნ-ის 978 ტონა მედიკამენტები (დაფასოებული) შემოვიდა, რაც ფულად გამოსახულებაში 29.2%-ით, ხოლო რაოდენობაში 48.4%-ით მეტია წინა წლის აგვისტოს ანალოგიურ მაჩვენებელზე (2021 აპრილი $26.5 მლნ-ის 659 ტ).

ტოპ5 საიმპორტო ქვეყნები ასე გამოიყურება:

1. თურქეთი - $7.6 მლნ-ის 119 ტ (1კგ 63.6 დოლარი).

2. რუსეთი - $3.2 მლნი-ს 76 ტ (1კგ 42დოლარი).

3. შვეიცარია - $2.7 მლნ-ის 23 ტ (1კგ 117.7 დოლარი).

4. უნგრეთი - $2.6 მლნ-ის 30 ტ (1კგ 88.5 დოლარი).

5. გერმანია - $2.5 მლნ-ის 122 ტ (1კგ საშუალოდ 21 დოლარი).

სამკურნალო საშუალებების საიმპორტო ფასი აგვისტოში, წინა წლის იმავე პერიოდთან შედარებით შემცირებულია 13%-ით. თუ შარშან 1 კგ მედიკამენტის ღირებულება საშუალოდ 40.3 დოლარი იყო, წელს მისი ფასი 35.1 დოლარია.

საქსტატის მონაცემებით, აგვისტოში,საქართველოს აფთიაქებში ფასების ცვლილება შემდეგნაირად გადანაწილდა:

სისხლძარღვთა გამაფართოებელი მედიკამენტები გაიაფდა 3.7%-ით.

ტკივილგამაყუჩებელი წამლები გაიაფდა 5.9%-ით.

ანტიბიოტიკები გაიაფდა 4%-ით.

ანთების საწინააღმდეგო წამლები გაძვირდა 2.7%-ით.

შპრიცი გაძვირდა 12.6%-ით.