თბილისი (GBC) - აგვისტოში, წინა წლის იმავე პერიოდთან შედარებით  სამრეწველო პროდუქციის მწარმოებელთა ფასების ინდექსი 11%-ით გაიზარდა.

წინა წლის შესაბამის თვესთან შედარებით ექსპორტის ფასების ინდექსი გაიზარდა 5.8 %-ით. დამამუშავებელი მრეწველობის პროდუქციაზე ფასები გაიზარდა 10.4 %-ით. ამასთან, სამთო-მოპოვებითი მრეწველობისა და კარიერების დამუშავების პროდუქციაზე ფასები შემცირდა 21.3 %-ით, ელექტროენერგიის, აირის, ორთქლისა და კონდიცირებული ჰაერის ჯგუფზე 33.3 %-ით, ხოლო წყალმომარაგების, კანალიზაციის, ნარჩენების მართვით და რეკულტივირებით მომსახურების ჯგუფზე დაფიქსირდა ფასების 4.7 %-იანი კლება.

იმპორტის ფასების ინდექსი გაიზარდა 1.8%-ით. ფასები 6.6 %-ით შემცირდა სამთომოპოვებითი მრეწველობისა და კარიერების დამუშავების პროდუქციის ჯგუფზე. დამამუშავებელი მრეწველობის პროდუქციაზე ფასების 3.5 % მატება ფიქსირდება, ხოლო ელექტროენერგიის, აირის, ორთქლისა და კონდიცირებული ჰაერის ჯგუფზე - ფასების 72.1 % კლება. რაც შეეხება წყალმომარაგების, კანალიზაციის, ნარჩენების მართვით და რეკულტივირებით მომსახურების ჯგუფს, სახეზე გვაქვს ფასების 12.7 % კლება.