თბილისი (GBC) - აშშ მზადაა უკრაინას ტანკები გადასცეს, რუსული აგრესიისგან თავის დასაცავად, თუმცა ეს უახლოეს მომავალში არ მოხდება, უთხრა CNN-ს პენტაგონის მაღალჩინოსანმა.

მისი თქმით, ტანკების მიწოდების საკითხი აბსოლუტურად განხილვადია, თუმცა ისინი არ გამოდგება საომარ მოქმედებებში დაუყოვნებლივ ჩასართველად. აშშ–ს უკრაინელი ეკიპაჟების და ტექნიკოსების გაწვრთნა მოუწევს, რომლებიც საბრძოლო მანქანებს მოემსახურებიან.

პარალელურად, ავღანეთში ტერორიზმთან ბრძოლაში მხარდაჭერის სანაცვლოდ აშშ მზადაა, უზბეკეთსა და ტაჯიკეთს 50 საბრძოლო თვითმფრინავი გადასცეს. ამის შესახებ გამოცემა Politico წერს.

„გეგმის არსი ისაა, რომ უზბეკეთისა და ტაჯიკეთის მთავრობებს გარკვეული რაოდენობის საჰაერო ხომალდები გადაეცეს არაფორმალური შეთანხმების სანაცვლოდ, რომელიც გულისხმობს თანამშრომლობას საზღვრების უსაფრთხოების დაცვასა და კონტრტერორიზმის მიმართულებებით“, – ნათქვამია ინფორმაციაში.