თბილისი(GBC) - აშშ-ში 30–წლიან იპოთეკურ სესხზე საპროცენტო  განაკვეთი 6%-ს გადასცდა. შეერთებულ შტატებში განაკვეთის ასეთი ზრდა ბოლოს 2008 წლის ფინანსური კრიზისის დროს დაფიქსირდა.

ამის მთავარი მიზეზად, აშშ-ის ცენტრალური ბანკის მიერ ინფლაციის შესაკავებლად გაზრდილი საპროცენტო განაკვეთია.

იპოთეკის გაზრდილი ფასი პრობლემას უქმნის მოსახლეობას, რომელთაც საცხოვრებელი სახლის შეძენა სურდათ.

შეგახსენებთ, აგვისტოში აშშ-ში ინფლაციამ 8.3% შეადგინა.

ინფლაციის ნიშნულში ყველაზე დიდი წილით საწვავის ჯგუფია წარმოდგენილი 25.6%-იანი ზრდით.

მეორეზეა თვითმფრინავის ბილეთების ფასი, რომელიც 33.4%-ით გაიზარდა, ხოლო ელექტროენერგიაზე ფასების ზრდამ 15.8% შეადგინა.

საკვების ჯგუფში წლიური ფასების ზრდა 13.5%–ით დაფიქსირდა.