თბილისი (GBC) - ტურიზმის ეროვნული ადმინისტრაციის ინფორმაციით 2022 წლის აგვისტოში განხორციელებულმა საერთაშორისო ვიზიტებმა 742.2 ათასი შეადგინა, რაც 178.5%-ით მეტია წინა წლის იმავე პერიოდის ანალოგიურ მაჩვენებელზე (2021 აგვისტო- 266.5 ათასი).

საერთაშორისო ვიზიტორების მიერ განხორციელებულ ვიზიტებს ქვეყნების მიხედვით რუსეთი ლიდერობს. ვიზიტების მთლიანი მაჩვენებლის 28.7% რუსეთის მოქალაქეებზე მოდის.

ტოპ 5 ქვეყანა და მათი  ვიზიტორების პროცენტული ზრდა წინა წლის იმავე პერიოდთან კი ასეთია:

1. რუსეთი 213.3 ათასი (+434.4% Y.Y);

2. სომხეთი 138.5 ათასი (+509.1% Y.Y);

3.  თურქეთი 103.5 ათასი (+197.2% Y.Y);

4. საუდის არაბეთი 41.9 ათასი (+155% Y.Y);

5. საქართველო (არარეზიდენტი) 34.9 ათასი (+50.8% Y.Y).