დიდ ბრიტანეთში  უმუშევრობის დონემ 3.6% შეადგინა. ეს ნიშნული 1974 წლის შემდეგ ყველაზე დაბალია. ბრიტანეთის ეროვნული სტატისტიკის სამსახურის (ONS) მონაცემებით 2021 წლის ბოლოს უმუშევრობის დონე 4.5%-ს შეადგენდა.

BBC-ს ინფორმაციით, მიუხედავად მიმდინარე ეკონომიკური კრიზისისა სამუშაო ძალაზე მოთხოვნა დიდია. ინფლაციამ ივლისში 10.1% შეადგინა,რაც 40 წლის მაქსიმუმია. აგვისტოს ინფლაცია ოთხშაბათს გამოქვეყნდება და ეკონომისტების აზრით,უფრო მაღალი იქნება ვიდრე წინა თვის.