თბილისი (GBC) - თურქეთის ტრანსპორტის სამინისტროსთან არსებული კომპანია TÜRASAŞ სამამულო წარმოების ელექტრომატარებლების მშენებლობა–ტესტირებას ახორციელებს.

კომპანიის წარმომადგენელმა საკარია ერდალ აბამ ჟურნალისტებს თურქული მატარებლების ტექნიკური მახასიათებლები გაუმხილა.

მისი თქმით, ელექტროშემადგენლობების ორი პროტოტიპის მშენებლობა დასრულებულია, ხოლო მათი ტესტირება წლის ბოლომდე უნდა დამთავრდეს.

„სამუხრუჭე და სიჩქარის სისტემების გამოცდა, ასევე მატარებლების ზოგადი ტესტირება დასასრულს უახლოვდება. ელექტრული სამგზავრო შემადგენლობები პირველ ეტაპზე 160 კმ/სთ სიჩქარეს განავითარებენ“, – აღნიშნა კომპანიის წარმომადგენელმა.

სამუშაოების დასრულებისა და მატარებლების სრულყოფის შემდეგ მაქსიმალური სიჩქარე 225 კმ/სთ–ით განისაზღვრება.