თბილისი (GBC) - საქართველოში განხორციელებული პირდაპირი უცხოური ინვესტიციების მოცულობამ 2022 წლის II კვარტალში $351.8 მლნ შეადგინა, რაც 2021 წლის II კვარტალის დაზუსტებულ მონაცემებზე 9.1%-ით მეტია. ქვემოთ მოცემული დიაგრამა ასახავს საქართველოში განხორციელებული პირდაპირი უცხოური ინვესტიციების დინამიკას 2020-2022 წლებში:

2022 წლის II კვარტალში სააქციო კაპიტალი, წინა წლის შესაბამისი პერიოდის მონაცემებთან შედარებით 2.3-ჯერ გაიზარდა და $90.2 მლნ.  შეადგინა, ხოლო რეინვესტიციის წილი მთლიან პირდაპირ უცხოურ ინვესტიციებში 68.3%-ით განისაზღვრა.

2022 წლის II კვარტალში საქართველოში განხორციელებული პირდაპირი უცხოური ინვესტიციების მიხედვით, უმსხვილესი ინვესტორი ქვეყნები შემდეგნაირად განაწილდა:

პირველ ადგილზეა გაერთიანებული სამეფო - $64.7 მლნ. ,რაც მთლიანი პირდაპირი უცხოური ინვესტიციების 18.4 %  შეადგენს, მეორე ადგილზე იმყოფება ნიდერლანდები - $44.8 მლნ. (12.7%), ხოლო მესამეზე იაპონია -$ 41.8 მლნ. (11.9%)

პირდაპირი უცხოური ინვესტიციების განაწილება 2022 წლის II კვარტალში, ეკონომიკის სექტორების მიხედვით მოცემულია ცხრილში:

2022 წლის II კვარტალში ყველაზე მეტი პირდაპირი უცხოური ინვესტიცია ენერგეტიკის სექტორში განხორციელდა და $76.6 მლნ. შეადგინა, რაც მთლიანი პირდაპირი უცხოური ინვესტიციების 21.8%-ია. მეორე ადგილს იკავებს უძრავი ქონების სექტორი - $75.6 მლნ.  (21.5%), ხოლო მესამეზე იმყოფება საფინანსო სექტორი $47.6 მლნ. (13.5 %). 2022 წლის II კვარტალში განხორციელებული პირდაპირი უცხოური ინვესტიციები ეკონომიკის სექტორების მიხედვით წარმოდგენილია დიაგრამაზე: