თბილისი (GBC) – 6 თვის განმავლობაში საქართველოში ქონების დაზღვევის სახეობაში მოზიდულმა ჯამურმა პრემიამ ₾64.8 მლნ შეადგინა, რაც 12.6%-ით ნაკლებია 2021 წლის ანალოგიური პერიოდის მაჩვენებელზე (2021/H1- 74.1 მლნ ₾).

ქონების დაზღვევაში ბაზრის წილითა და მოზიდული პრემიით ალდაგი 38%–ით ლიდერობს.

ამ პერიოდში ალდაგმა ₾24.6 ლარის პრემია მოიზიდა, რაც  ქონების დაზღვევის მთლიანი ბაზრის 38%-ს შეადგენს (2021/H1-₾26.8 მლნ - 36%). აღნიშნული შედეგი წინა წლის ანალოგიურ პერიოდთან შედარებით ფულად გამოსახულებაში 8.2%-იანი კლებით ხასიათდება, თუმცა ბაზრის წილი გაზრდილია 2 პროცენტული პუნქტით.

ალდაგი ასევე სამოქალაქო პასუხისმგებლობის დაზღვევის სახეობაშიც ლიდერობს. ამ სექტორში ჯამურად მოზიდულმა პრემიამ 16.3 მლნ ლარი შეადგინა. ალდაგი ამ მიმართულებით 42%-ით ლიდერობს 6.8 მლნ ლარის მოზიდული პრემიით. მეორეზეა ჯიპიაი 4 მლნ ლარით, რაც სექტორის 24%-ია. მესამეზეა უნისონი 1.8 მლნ ლარით, რაც მთლიანი სექტორის 11%-ია.

 ამ პერიოდში სამოქალაქო პასუხისმგებლობის დაზღვევის სახეობას მოზიდული 6.9%-იანი კლება აქვს. 2021 წლის 6 თვეში აღნიშნულ სახეობაში მოზიდულმა ჯამურმა პრემიამ ₾17.5 მლნ შეადგინა.