თბილისი (GBC) – გლობალურ ბაზარზე ნავთობზე მოთხოვნის შესაძლო შემცირების დასაბალანსებლად OPEC+ მოპოვების შემცირების შესახებ გადაწყვეტილების მისაღებად ორშაბათს, 5 სექტემბერს იკრიბება.

ექსპერტების აზრით, კარტელი „შავ ოქროზე“ მაღალი ფასების შესანარჩუნებლად მოპოვების შემცირების შესახებ გადაწყვეტილების მიღებას შეეცდება, ვინაიდან ჩინეთში, რომელიც ნავთობის ყველაზე დიდი იმპორტიორია, კორონავირუსის გამო ახალ შეზღუდვებს აწესებს. ბოლო მონაცემებით, ჩინეთის 33 რაიონში კარანტინში 65 მლნ ადამიანი იმყოფება.

ამდენად, თბილისის დროით 13:50 საათისთვის Brent-ის მარკის ნავთობის ფასი 2,62%–ით არის გაზრდილი, $95,42–მდე ბარელზე.

ამერიკული მსუბუქი ნავთობის ფასი 2,56%–ით ძვირდება და ბარელი $89,11 ღირს.