თბილისი (GBC) – წლის პირველი 6 თვე რუსეთის საბანკო სექტორმა 1,5 ტრლნ რუბლის ($24,8 მლრდ) ზარალით დახურა, განაცხადა რუსეთის ცენტრალური ბანკის ხელმძღვანელის პირველმა მოადგილემ დმიტრი ტულინმა, რომელსაც გამოცემა RBC ციტირებს. მისი თქმით, ბანკებმა მოსალოდნელზე „ნაკლები სისხლი დაღვარეს“.

ბანკებზე კრიზისის გავლენის შესახებ ინფორმაცია პირველად გაჟღერდა. ცენტრალურმა ბანკმა ბანკების წმინდა მოგების შესახებ ინფორმაცია ბოლოს იანვარში გამოაქვეყნა. მარტში რეგულატორმა ბანკებს ფინანსური ანგარიშგების გასაიდუმლოების უფლება მისცა.

ტულინის თქმით, რუსეთის ბანკების დაახლოებით მეოთხედი წამგებიანი აღმოჩნდა წლის პირველი ნახევრის შედეგებით (მოქმედი 329 ბანკიდან 82). მათი უმრავლესობა მსხვილი ბანკებია.