თბილისი (GBC) – რუსულმა გაზპრომმა ევროპას გაზის მიწოდება „ჩრდილოეთის ნაკადი–1“–ით მთლიანად შეუწყვიტა. მოტივი გეგმური სარემონტო სამუშაოებია. ამის შესახებ ინფორმაციას თავად გაზპრომი ავრცელებს.

„ჩრდილოეთის ნაკადით გაზის მიწოდება მთლიანად შეწყდა, დღეს გეგმურ–გამაფრთხილებელი სარემონტო სამუშაოები იწყება გაზის სატუმბ აგრეგატზე“, – ნათქვამია გაზპრომის ოფიციალურ ინფორმაციაში.

რემონტი რამდენიმე დღეს გაგრძელდება.

მანამდე, ორშაბათს, ცნობილი გახდა, რომ ევროკავშირის ქვეყნებმა წინსწრებით შეძლეს გაზსაცავების სიმძლავრეების 80%–მდე შევსება.