თბილისი (GBC) - ბელგიის ენერგეტიკის მინისტრი ევროკავშირს ენერგიის ფასების გადახედვისკენ მოუწოდებს. ტინ ვან დერ სტრაეტენი Twitter-ზე წერს, რომ ევროპაში გაზის ფასები უნდა ,,გაიყინოს’’ და აცხადებს რომ ახლანდელი ფასები ენერგიაზე ხელოვნურია და საჭიროებს რეფორმას.

,,თუ რაიმე არ მოვიმოქმედეთ, მომდევნო ხუთი-ათი ზამთარი საშინელი იქნება’’, - აცხადებს მინისტრი.

ენერგიის მიმდინარე ფასებს ავსტრიის კანცლერიც კარლ ნეჰამერი ეხმაურება და ამბობს: „ჩვენ უნდა შევაჩეროთ ეს სიგიჟე, რომელიც ახლა ხდება ენერგეტიკულ ბაზრებზე“.

 „ჩვენ არ შეგვიძლია მივცეთ პუტინს უფლება, განსაზღვროს ევროპის ელექტროენერგიის ფასი ყოველდღიურად“, – დასძინა კანცლერმა.

ღვთისმშობლის ეკლესიის Frauenkirche ფასადის განათება გამორთულია ენერგიის დაზოგვის მიზნით გერმანიაში, დრეზდენში.