თბილისი (GBC) – შარლ მიშელის მედიატორობით ბრიუსელში 31 აგვისტოს ალიევი და ფაშინიანი შეხვდებიან ერთმანეთს, რომელიც, შესაძლოა, გადამწყვეტი აღმოჩნდეს სამშვიდობო შეთანხმების ხელმოსაწერად.

დასავლელი ექსპერტები როგორც აღნიშნავენ, დიპლომატიური ძალისხმევის ცენტრი ბრიუსელში გადადის. ბაქოც და ერევანიც უკმაყოფილო არიან მოსკოვის შუამდგომლობით.

დასავლეთს სურს, მთავარი მომრიგებელი გახდეს სამხრეთ კავკასიაში, რაც ბრიუსელს მთლიანად რეგიონში გაუზრდის გავლენებს.

მოსალოდნელია, რომ აზერბაიჯანი რამდენიმე წელიწადში მთიანი ყარაბაღიდან რუსეთის სამშვიდობო ძალების გაყვანას მოითხოვს.

დღეს სომხეთის პოზიციები სუსტია – ექსპერტები არ გამორიცხავენ, რომ ყარაბაღელი სომხების ნაწილი ბაქოსთან თანამშრომლობაზე მზადყოფნას გამოთქვამს.

აზერბაიჯანი აშშ–სა და საფრანგეთს მინსკის ჯგუფის რეანიმირების მცდელობის გამო აკრიტიკებს.

რუსეთს რაც შეეხება, ექსპერტების აზრით, მას არ გააჩნია სერიოზული არგუმენტები, გარდა სამხედრო პროვოკაციებისა.