თბილისი (GBC) - აშშ–ის საფონდო ბირჟებმა წინა კვირა შემცირებული აქტივობით და ფასების ვარდნით დახურეს. მიზეზი კი ქვეყნის ფედერალური სარეზერვო სისტემის ხელმძღვანელის ჯერომ პაუელის განცხადებაა, რომლის თანახმად, ცენტრალურმა ბანკმა უნდა გაზარდოს საპროცენტო განაკვეთი, რათა შეაჩეროს მზარდი ინფლაცია.

BBC-ს ინფორმაციით, ამ სიტყვების შემდეგ აშშ-ის საფონდო ბირჟებზე აქციები 3%-ით გაუფასურდა.

მსოფლიოს უდიდეს ეკონომიკაში ინფლაცია ოთხი ათწლეულის მაქსიმუმზეა.

პარასკევს ვაიომინგში გამართულ კონფერენციაზე გამოსვლის დროს, პაუელმა განაცხადა, რომ ფედერალური სარეზერვო სისტემა უახლოეს თვეებში დააწესებს საპროცენტო განაკვეთების შემდგომ ზრდას და იგი "გარკვეული ვადით" შენარჩუნდება.