თბილისი (GBC) – თიბისი კაპიტალის ცნობით, 1-20 აგვისტოს პერიოდში არარეზიდენტების უნაღდო ხარჯვა, თიბისი ბანკის არხებით, 49%-ით აღემატება 2019 წლის ანალოგიური პერიოდის დონეს.

1-20 აგვისტოს პერიოდში, სურსათსა და ფარმაციაზე რეზიდენტების უნაღდო დანახარჯების ზრდა ინარჩუნებს სტაბილურობას და წლიურად 26%-ს უტოლდება.

ამავე პერიოდში, სხვა კატეგორიებზე რეზიდენტების უნაღდო ხარჯვა მცირედით შემცირდა და წ/წ ზრდა 2%-ს გაუტოლდა.

თიბისი ბანკის არხებით სასტუმროებში უნაღდო ხარჯვის ზრდის ტემპი მცირედით შემცირდა და 74%-ს გაუტოლდა 2019 წლის დონესთან შედარებით (+37% წ/წ).

რესტორნებსა და კაფეებში უნაღდო დანახარჯების ზრდის ტემპი თითქმის უცვლელია და 129% შეადგინა 2019 წელთან შედარებით (+57% წ/წ).