თბილისი (GBC) – „დღეს, 26 აგვისტოს, ჩვენ – აზერბაიჯანელები ქალაქ ლაჩინში დავბრუნდით. აზერბაიჯანული არმია ქალაქ ლაჩინშია განთავსებული. კონტროლი დავამყარეთ სოფლებზე ზაბუხი და სუსი. ვულოცავ ყველა ლაჩინელს და აზერბაიჯანულ ქალაქს ამ მოვლენას. დიდება ლაჩინს! დიდება აზერბაიჯანს!“, – წერს ტვიტერზე აზერბაიჯანის პრეზიდენტი ილჰამ ალიევი.

აზერბაიჯანელმა სამხედროებმა პარასკევს, 26 აგვისტოს, ქალაქ ლაჩინის ცენტრში აზერბაიჯანის სახელმწიფო დროშა აღმართეს, რის შესახებაც ქვეყნის უმაღლეს მთავარსარდალს იქჰამ ალიევს უპატაკეს. 

ლაჩინზე აზერბაიჯანის კონტროლის აღდგენას ყარაბაღის მეორე ომის შემდეგ, 2020 წლის 9–10 ნოემბერს გაფორმებული სამმხრივი შეთანხმება ითვალისწინებდა, რომელსაც აზერბაიჯანმა, სომხეთმა და რუსეთმა მოაწერეს ხელი.