თბილისი (GBC) - ევრო დოლართან პარიტეტზე დაბლა დაეცა, რაც ბოლო 20 წლის განმავლობაში ყველაზე დაბალი ნიშნულია.

გაცვლითი კურსი უკვე $1 -ს ჩამოსცდა.

ევროპა ბევრად უფრო დამოკიდებულია რუსულ ნავთობსა და ბუნებრივ აირზე, ვიდრე აშშ, მრეწველობის შესანარჩუნებლად და ელექტროენერგიის გამომუშავებისთვის.  ხოლო შიშმა, რომ უკრაინაში ომი რუსული ნავთობის დაკარგვას გამოიწვევდა გლობალურ ბაზრებზე, ნავთობის ფასი გაიზარდა.

ენერგიის ფასების ზრდამ კი, თავის მხრივ, ევროზონაში ინფლაცია რეკორდულ 8.9%-იან ნიშნულამდე გაზარდა ივლისში, რამაც თავისთავად გააძვირა საკვებიდან დაწყებული გადასახადებამდე დამთავრებული, ყველაფერი.

ბოლოს, ევრო $1 - ზე დავლა 2002 წლის 15 ივლისს იყო.

ყველა დროის რეკორდულად მაღალი ნიშნული 1999 წლის 1 იანვარს დაფიქსირდა, $1.18, ხოლო ყველა დროის მინიმუმი კი 2000 წლის ოქტომბერში $0.823.