თბილისი (GBC) - ივლისში ევროკავშირის ქვეყნებთან საქართველოს საგარეო ვაჭრობის ბრუნვამ $306.8 მლნ შეადგინა, რაც 32.3%-ით მეტია წინა წლის ანალოგიური პერიოდის მაჩვენებელზე (2021ივლისი- $231.8მლნ). ევროკავშირის ქვეყნებთან საგარეო ვაჭრობა, მთლიანი საგარეო ვაჭრობის 18.5%-ს შეადგენს.

ამ პერიოდში ევროკავშირთან ვაჭრობაში ექსპორტმა $52.4 მლნ (+89% Y.Y), ხოლო იმპორტმა $254.4მლნ (+24.6% Y.Y) შეადგინა.

ტოპ 3 ექსპორტირებული პროდუქტი ასეთია:

1. სპილენძის მადნები და კონცენტრატები - $26.8 მლნ-ის 11.8ათასი ტ (EU-მთლიანი ექსპორტის 51%).

2. მსუბუქი ავტომობილები - $2.6 მლნ-ის 78 ერთეული.

3. სპირტიანი სასმელები (80%-ზე ნაკლები მოც.) - $2.6 მლნ-ის 759.5 ათასი ლიტრი.

ტოპ 3 იმპორტირებული პროდუქცია:

1. ნავთობი და ნავთ.პროდუქტები - $47.6 მლნ-ის 35.6 ათასი ტ.

2. მსუბუქი ავტომობილები - $18.9 მლნ-ის 1531 ერთეული.

3. სამკურნალო საშუალებები - $17.6 მლნ-ის 299ტ.