თბილისი (GBC) - რუსეთის მოქალაქეებმა უცხოურ ბანკებში დეპოზიტებზე განთავსებული თანხები $4,7 მილიარდით გაზარდეს ივნისში. ამის შესახებ ინფორმაციას ქვეყნის ცენტრალური ბანკი ავრცელებს.

რუსეთის ბანკის ინფორმაციით, ეს მაქსიმალური გადინებაა 2018 წლის შემდეგ. მაისში რუსებმა 2,5–ჯერ ნაკლები თანხა გაიტანეს უცხოურ ბანკებში – $1,7 მლრდ.

მარტში რუბლის არასტაბილურობის ფონზე, როდესაც უკრაინის წინააღმდეგ სამხედრო აგრესია ახალი დაწყებული იყო, ქვეყნის მოქალაქეებს უცხოეთში ფულის გადარიცხვა თვეში $5 ათასის ფარგლებში შეუზღუდა. ამის შემდეგ რეგულატორმა რამდენჯერმე გაზარდა ეს ზღვარი. ივნისში კი ჯერ $150 ათასამდე, თვის ბოლოს კი $1 მლნ–მდე გაიზარდა.