თბილისი (GBC) – უზბეკეთი, აზერბაიჯანი და თურქეთი ქვეყნების ტერიტორიებზე ტვირთების გადაადგილების პროცესის გამარტივებას გეგმავენ. ამის შესახებ სააგენტო ტრენდს უზბეკეთის ტრანსპორტის სამინისტროში უთხრეს.

როგორც სამინისტროში აღნიშნეს, დღეისათვის მნიშვნელოვნად არის გაზრდილი ტვირთბრუნვა შუა დერეფანზე.

„უზბეკი გადამზიდავები კასპიის ზღვაზე ტვირთნაკადს ზრდიან. ამასთან დაკავშირებით იმ ქვეყნების მთავრობებთან, რომელთა ტერიტორიაზეც ეს მარშრუტი გადის, უფრო ხელსაყრელი პირობების შექმნაზე ვმუშაობთ“, – აღნიშნეს უწყებაში.

თავის მხრივ, საქართველოს, აზერბაიჯანის, ყირგიზეთის, თურქეთის, უზბეკეთისა და თურქმენეთის სარკინიგზო უწყებებმა საკონტეინერო ბლოკ–მატარებლების გატარებაზე უკვე დააწესეს 70%–იანი ფასდაკლება.