თბილისი (GBC) - საქსტატის მონაცემებით, საქართველოში მოქმედ ელევატორებში მეორე კვარტალში პროდუქციების/კულტურების რაოდენობამ 112.2 ათასი ტონა შეადგინა. აქედან საკუთარი წარმოებისათვის 4 ათასი ტონა, შესყიდულმა შემდგომი რეალიზაციისთვის 103 ათასი ტ, ხოლო მომსახურების სახით 5.2 ათასი ტონა შეადგინა. მეორე კვარტალში ელევატორების მომსახურების საფასურმა 412 ათასი ლარი შეადგინა.

მეორე კვარტალში სამაცივრე მეურნეობების მომსახურებით 311-მა მომხმარებელმა ისარგებლა. დასაქმებულთა საშუალო რაოდენობა კი 1267 ერთეულია. ამ პერიოდში სამაცივრე მეურნეობაში 75.1 ათასი ტონა პროდუქტი ინახებოდა. სამაცივრე მეურნეობების მომსახურების საფასურმა 5 მლნ ლარი შეადგინა.

მეორე კვარტალში ცხოველთა და ფრინველთა სასაკლაოებში დასაქმებულთა საშუალო რაოდენობამ 982 შეადგინა. სულ წარმოებულმა ხორცმა კი 12.9 მლნ კგ. ამ პერიოდში აღნიშნული მომსახურებით ისარგებლა 12 646-მა სუბიექტმა. სასაკლაოებში 1 მსხვილფეხა რქოსანი პირუტყვის დაკვლა 31,5 ლარი, ცხვრისა და თხის – 12,4 ლარი, ხოლო ღორის – 26,9 ლარი.