თბილისი (GBC) - სამშაბათის ვაჭრობაზე ლარი დილიდან მცირედი გაუფასურების შემდეგ კვლავ საწყის მდგომარეობაში დაბრუნდა და თბილისის დროით 11:00 საათისთვის Bloomberg-ის პლატფორმაზე $1 ზუსტად 2,8 ლარი ღირს.

ნედლეულის ფასები მსოფლიო ბირჟებზე კვლავ წითელ ზონაშია. Brent-ის მარკის ნავთობი ამ დროისთვის 1%–ს კარგავს და ბარელის ფასი ლონდონის ბირჟაზე $94,17–ს შეადგენს. ამერიკული ნავთობის ფასი შედარებით ნაკლებს – 0,64%–ს კარგავს და ბარელი $88,89 ღირს.

სამშაბათის ვაჭრობაზე სტაბილურობას აჩვენებს მთავარი კრიპტოვალუტა ბიტკოინი. სავაჭრო სესიის განმავლობაში 0,27%–იან ვაჭრობაშია და ერთი კრიპტო მონეტის ფასი $24 007–ს შეადგენს. ბოლო 7 დღეში ბიტკოინი 0,79%–ით არის გამყარებული. ბოლო დღე–ღამეში ბირჟაზე სულ $31,38 მლრდ–ის ბიტკოინი გაიყიდა. კრიპტოვალუტის კაპიტალიზაცია ამ დროისთვის $459,39 მლრდ–ს შეადგენს.